Von wgzimmer.ch geprüftes Inserat
Vermiete ein Zimmer
♥
Daten und Miete
Ab dem 1.6.2024
Bis Unbefristet
Miete / Monat sFr. 760 .–
Adresse
Region Emmental
Adresse Obere Schwand 499
Ort 3436 Zollbrück
Kreis / Quartier Zollbrück
Google Translate Grosse Karte zum Ausdrucken
Beschreibungen
Das Zimmer istLichtdurchflutet, ca 20qm
Wir suchen
I däm härzige Stöckli e chli näbeusse wird es Zimmer frei.
Teile düe mir üs di grosszügegi Wohnchuchi, zwöi Badzimmer und es Büro. Derzue himer gnue Stouruum i de zwöi Näberümli und em grosse Garage.
Ou um ds Huus um chaschdi wunderbar vertörle. Sigs ufder chüele Loube bimene Glas Wysswi, amene laue Summerabe ufem Terässli der Sunne zueluege wisi hingerde Höger achegeit oder grad vorder Tüüre ufem Bänkli eifach e chli sy - der Seelebausam chunnt sicher nid ds churz.
Das Stöckli isch im Ungerfrittebach e chli näbeusse u glich bisch schnäu im Dorf u chunsch o im Winter ohni Aurad guet derzue.
D Mieti inkl. Näbechöschte und Internet isch für di CHF 760.-.
I würdmi fröie we wider öpper Jungs, öppe so zwüsche 20 u 35, i das Deheime chunnt wo ds Zämesy schetzt. Me mues aber nidöppe geng ufenang obe hocke u Platz für sich zrug ds zieh hets gnue - nid nume im eigete Zimmer.
Wir sind
I bi Karin, 27i und schaffe ds Bärn im Büro. I mire Freizyt bini viu ide Bärge, spile Volleyball und verbringe gärn Zyt mit mine Fründe u der Familie.
I ha vorhär im Gastgwärb u Wyhandu gschaffet, es gmeinsams Ässe u der Ustusch bime feine Glas Wy isch für mi öppis vom schönschte. I bi scho mit verschidene Lüt ire WG gsy u drum gloub o rächt unkompliziert u apassigsfähig.
Bevor ig ids hie aber e haube Roman schribe, fingi mir lehre üs besser persönlech kenne.
Mäud di ganz ungeniert, i schike dir gärn ono meh Fotos.
Fröiemi vo dir ds ghöre! :)